Nokkur orð frá fráfarandi formanni
Á þessum tímamótum þegar ég lýk störfum sem formaður ÞFÍ, vil ég þakka samstarfsfólki mínu í stjórn félagsins og félagsmönnum öllum fyrir ánægjulega samvinnu og góða vináttu. Saman höfum við unnið að því að efla samstarf og samskipti Íslendinga við einstaklinga og samtök afkomenda Íslendinga í Vesturheimi á fjölmörgum sviðum. Einnig vinnum við stöðugt að því að fá fleiri til liðs við félagið, jafnt innanlands sem utan, ekki síst ungt fólk. Það hefur verið mikil áskorun fyrir stjórn félagsins að halda starfseminni gangandi á COVID tímum, en ég tel að okkur hafi tekist vel til, þrátt fyrir allt. Ég óska arftaka mínum, dr. Gísla Sigurðssyni, stjórn og félögum öllum velfarnaðar og góðs gengis.
Hulda Karen Daníelsdóttir