Fréttir
Vesturheimsþing 2026
Vesturheimsþing (sem áður hét Þjóðræknisþing) verður haldið á Hótel Reykjavík Askja (áður Hótel Natura), Nauthólsvegi 52, 101 Reykjavík, 13. september nk. frá kl. 14.00 til 16.30.
Vesturheimur – vináttufélag er 87 ára og var stofnað 1. desember 1939. Markmið þess er að efla samskipti, samvinnu og vináttu fólks hér á landi og í Kanada og Bandaríkjum Norður-Ameríku sem tengist Íslandi.
Fjallað verður sérstaklega um stofnun félagsins í Kanada 1919 og frumkvöðulinn Rögnvald Pétursson en það mun frændi hans Mark Pétursson gera. Rögnvaldur og kona hans Hólmfríður koma svo við sögu varðandi rímur eftir vesturíslensk skáld. Töfrar Charlie Thorson. Hver var hann nú eiginlega?
Dagskráin er áhugaverð, kaffiveitingar í boði félagsins.
Þið eruð öll hjartanlega velkomin eins og ævinlega og endilega takið með ykkur gesti sem e.t.v. gætu orðið nýir meðlimir.
Með hlýjum kveðjum,
Guðrún Ágústsdóttir formaður
Vestur-íslensk arfleifð:
Séra Bragi og framtíðarsýn
Stephans G.
Fræðsluerindi ÞFÍ í Veröld,
hús Vigdísar
Fimmtudaginn 27. nóvember kl. 16:30 býður ÞFÍ til fundar um vestur-íslenska arfleifð á svæði tungumálanna á 2. hæð Veraldar, húsi Vigdísar, Brynjólfsgötu 1.
Hrannar Bragi Eyjólfsson kynnir bók sína Séra Bragi. Ævisaga. Einnig flytur Viðar Hreinsson erindi um framsýni Stephans G. Stephanssonar.
Séra Bragi og Vesturheimur. Séra Bragi Friðriksson var fyrstur íslenskra presta til að vígjast til prestþjónustu meðal Vestur-Íslendinga í Kanada, þar sem hann þjónaði á árunum 1953-1956. Hann var forseti Þjóðræknisfélags Íslendinga frá 1974-1980 og sat í stjórnskipaðri nefnd á vegum utanríkisráðuneytisins um samskipti milli Íslendinga og Vestur-Íslendinga frá stofnun nefndarinnar 1974 til ársins 1997. Séra Bragi var fyrsti heiðursborgari Garðabæjar, frumkvöðull og brautryðjandi í æskulýðs-, félags- og skólamálum og var einn áhrifamesti prestur þjóðkirkjunnar á 20. öld. Hrannar Bragi Eyjólfsson kynnir, selur og áritar bók sína Séra Bragi, sem fjallar ítarlega um ævi og störf séra Braga Friðrikssonar.
Öld hugsjóna eða öld ofbeldis. Um Stephan G. Stephansson, stríð og frið. Um aldamótin 1900 sá Stephan G. Stephansson lengra inn í framtíðina en flestir aðrir og lýsti því í merkilegum bréfkafla um öld ofbeldis sem hann sá renna upp. Hann hafði þá þegar ort merkileg kvæði um það sem kalla má vítahring ofbeldis sem birtist í stóru og smáu. Sá vítahringur virðist felast í aftengingu hugsunar og athafna, sem er snar þáttur í hugsun heimspekingsins Hönnu Arendt löngu síðar. Í þessu spjalli teygir Viðar Hreinsson, höfundur verðlaunabóka um skáldið, nokkra þræði úr hugsun Stephans fram í ástand heimsins í dag.
Öll velkomin. Léttar veitingar verða í boði.
Hlýjar kveðjur,
Stjórn ÞFÍ
Íslendingadagurinn 2026
137. Íslendingadagurinn var haldinn í Gimli um síðustu helgi. Ragnar Þór Ingólfsson félags- og húsnæðisráðherra og Guðbjörg kona hans voru heiðursgestir. Auðbjörg Halldórsdóttir sendiherra okkar í Ottawa og Vilhjálmur Wium aðalræðismaður voru mætt ásamt mörgum öðrum góðum gestum.
Vinir okkar í Vesturheimi tóku gífurlega vel á móti okkur og gerðu heimsóknina ógleymanlega eins og jafnan áður. Fjallkonan María Bear dóttir Stefáns og Ollu og systir Lornu og Ernest Tergesen/Stefanson var öllum til sóma.
Við í stjórn Vesturheims – vináttufélags (áður Þjóðræknisfélagsins) þökkum fyrir vináttu og samstarf í áratugi. Sigrún Ásmundsson forseti Íslendingadagsins stóð sig geysivel, svo ekki sé meira sagt.
Guðrún Ágústsdóttir, formaður.
Þjóðræknisþing 2025
Kæru félagar
Þing Þjóðræknisfélags Íslendinga verður haldið sunnudaginn 7. september n.k. á Hótel Natura, Nauthólsvegi 52, 101 Reykjavík frá kl. 14.00 – 16.00.
Þjóðræknisfélagið er nú orðið 86 ára, var stofnað 1. desember 1939. Markmið þess er að efla samskipti og samvinnu fólks hér á landi og í Kanada og Bandaríkjum Norður Ameríku sem tengist Íslandi. Fyrstu helgina í ágúst var haldinn veglegur Íslendingadagur í Gimli að venju og þar var forseti Íslands frú Halla Tómasdóttir heiðursgestur.
Við í stjórn ÞFÍ vonumst til að sjá ykkur sem flest á þinginu og hvetjum við ykkur til að taka með ykkur gesti.
Kaffiveitingar í boði félagsins.
Öll eru velkomin á þingið.
Dagskráin er hér fyrir neðan.
Með hlýjum kveðjum,
Guðrún Ágústsdóttir, formaður
Fréttir
Vesturheimsþing 2026
Vesturheimsþing (sem áður hét Þjóðræknisþing) verður haldið á Hótel Reykjavík Askja (áður Hótel Natura), Nauthólsvegi 52, 101 Reykjavík, 13. september nk. frá kl. 14.00 til 16.30.
Vesturheimur – vináttufélag er 87 ára og var stofnað 1. desember 1939. Markmið þess er að efla samskipti, samvinnu og vináttu fólks hér á landi og í Kanada og Bandaríkjum Norður-Ameríku sem tengist Íslandi.
Fjallað verður sérstaklega um stofnun félagsins í Kanada 1919 og frumkvöðulinn Rögnvald Pétursson en það mun frændi hans Mark Pétursson gera. Rögnvaldur og kona hans Hólmfríður koma svo við sögu varðandi rímur eftir vesturíslensk skáld. Töfrar Charlie Thorson. Hver var hann nú eiginlega?
Dagskráin er áhugaverð, kaffiveitingar í boði félagsins.
Þið eruð öll hjartanlega velkomin eins og ævinlega og endilega takið með ykkur gesti sem e.t.v. gætu orðið nýir meðlimir.
Með hlýjum kveðjum,
Guðrún Ágústsdóttir formaður
Vestur-íslensk arfleifð:
Séra Bragi og framtíðarsýn
Stephans G.
Fræðsluerindi ÞFÍ í Veröld,
hús Vigdísar
Fimmtudaginn 27. nóvember kl. 16:30 býður ÞFÍ til fundar um vestur-íslenska arfleifð á svæði tungumálanna á 2. hæð Veraldar, húsi Vigdísar, Brynjólfsgötu 1.
Hrannar Bragi Eyjólfsson kynnir bók sína Séra Bragi. Ævisaga. Einnig flytur Viðar Hreinsson erindi um framsýni Stephans G. Stephanssonar.
Séra Bragi og Vesturheimur. Séra Bragi Friðriksson var fyrstur íslenskra presta til að vígjast til prestþjónustu meðal Vestur-Íslendinga í Kanada, þar sem hann þjónaði á árunum 1953-1956. Hann var forseti Þjóðræknisfélags Íslendinga frá 1974-1980 og sat í stjórnskipaðri nefnd á vegum utanríkisráðuneytisins um samskipti milli Íslendinga og Vestur-Íslendinga frá stofnun nefndarinnar 1974 til ársins 1997. Séra Bragi var fyrsti heiðursborgari Garðabæjar, frumkvöðull og brautryðjandi í æskulýðs-, félags- og skólamálum og var einn áhrifamesti prestur þjóðkirkjunnar á 20. öld. Hrannar Bragi Eyjólfsson kynnir, selur og áritar bók sína Séra Bragi, sem fjallar ítarlega um ævi og störf séra Braga Friðrikssonar.
Öld hugsjóna eða öld ofbeldis. Um Stephan G. Stephansson, stríð og frið. Um aldamótin 1900 sá Stephan G. Stephansson lengra inn í framtíðina en flestir aðrir og lýsti því í merkilegum bréfkafla um öld ofbeldis sem hann sá renna upp. Hann hafði þá þegar ort merkileg kvæði um það sem kalla má vítahring ofbeldis sem birtist í stóru og smáu. Sá vítahringur virðist felast í aftengingu hugsunar og athafna, sem er snar þáttur í hugsun heimspekingsins Hönnu Arendt löngu síðar. Í þessu spjalli teygir Viðar Hreinsson, höfundur verðlaunabóka um skáldið, nokkra þræði úr hugsun Stephans fram í ástand heimsins í dag.
Öll velkomin. Léttar veitingar verða í boði.
Hlýjar kveðjur,
Stjórn ÞFÍ
Íslendingadagurinn 2026
137. Íslendingadagurinn var haldinn í Gimli um síðustu helgi. Ragnar Þór Ingólfsson félags- og húsnæðisráðherra og Guðbjörg kona hans voru heiðursgestir. Auðbjörg Halldórsdóttir sendiherra okkar í Ottawa og Vilhjálmur Wium aðalræðismaður voru mætt ásamt mörgum öðrum góðum gestum.
Vinir okkar í Vesturheimi tóku gífurlega vel á móti okkur og gerðu heimsóknina ógleymanlega eins og jafnan áður. Fjallkonan María Bear dóttir Stefáns og Ollu og systir Lornu og Ernest Tergesen/Stefanson var öllum til sóma.
Við í stjórn Vesturheims – vináttufélags (áður Þjóðræknisfélagsins) þökkum fyrir vináttu og samstarf í áratugi. Sigrún Ásmundsson forseti Íslendingadagsins stóð sig geysivel, svo ekki sé meira sagt.
Guðrún Ágústsdóttir, formaður.
Þjóðræknisþing 2025
Kæru félagar
Þing Þjóðræknisfélags Íslendinga verður haldið sunnudaginn 7. september n.k. á Hótel Natura, Nauthólsvegi 52, 101 Reykjavík frá kl. 14.00 – 16.00.
Þjóðræknisfélagið er nú orðið 86 ára, var stofnað 1. desember 1939. Markmið þess er að efla samskipti og samvinnu fólks hér á landi og í Kanada og Bandaríkjum Norður Ameríku sem tengist Íslandi. Fyrstu helgina í ágúst var haldinn veglegur Íslendingadagur í Gimli að venju og þar var forseti Íslands frú Halla Tómasdóttir heiðursgestur.
Við í stjórn ÞFÍ vonumst til að sjá ykkur sem flest á þinginu og hvetjum við ykkur til að taka með ykkur gesti.
Kaffiveitingar í boði félagsins.
Öll eru velkomin á þingið.
Dagskráin er hér fyrir neðan.
Með hlýjum kveðjum,
Guðrún Ágústsdóttir, formaður